More Money, More Friends (Family); No Money Less Friends(Family)

More Money, More Friends(Family); No Money, Less Friends(Family)! 

Tama naman hindi ba ang kasabihan na iyan? Sa totoo lang? Palagay mo?

Sa akin isang malaking OO!
Napapansin ko lang (Pasintabi sa mga tatamaan, kung palagay mong ikaw pinatatamaan ko pasensiya! Bato Bato sa Langit ang Tamaan bukol bukol) naman sa sitwasyon na pinagdadaan ng aking ina. Parang noong mayroon siyang pera parang ang daming may kakilala sa kanyang mga tao pati mga kamag-anak. Kaso ngayon na medyo hirap na kami sa pera at medyo may mga utang dito kaliwa't kanan eh parang nawala na ang mga iyon.

No Money! Less Family and Friends

Kaya ko nasabi ko na may katotohanan ito dahil ito ay aming nararanasan. "Empirical ika nga nila" o based from experience. Kagaya nun isa namin kamag-anak noong medyo hirap sila sa buhay eh parating nasa bahay nakikihalubilo sa amin. Ngunit ngayon na medyo umasenso na ang kanyang pamumuhay? Ayun akala mo Leprosaryo ang bahay namin at hindi na nadadalaw. Minsan pag may pinagdaraanan ang iyong pamilya nais mo na may daramay sa iyo at may makakwentuhan para medyo maaliw ka at mawala sa iyong utak ang tambak na tambak na problema.

Pero bakit ba ganito? Palagay ko dahil ito ay isang magandang basehan para malaman mo kung sino ang totoo kaysa sa hindi. At least nakikilala mo kung sino ba ang tunay na kaibigan na hindi ka iiwan.

Para sa inyo na hindi lumilisan at laging andiyan. MARAMING MARAMING SALAMAT! Love you all!